Í dag miðvikudaginn 30. mars verður troðin skíðagöngubraut tilbúin í Selárdal um kl. 14

Úrslit Sparisjóðsmótsins í skíðagöngu eru komin inn á síðuna.   Sparisjóðsmótið var haldið á skírdag fimmtudaginn 24. mars í Selárdal í fínu veðri og aðstæðum.  Skíðafélag Strandamanna þakkar keppendum fyrir þátttökuna en þeir voru alls 25.  Starfsmenn mótsins fá þakkir fyrir vel unnin störf og Sparisjóður Strandamanna fær þakkir fyrir stuðning sinn við Skíðafélag Strandamanna og fyrir páskaeggin sem allir keppendur í mótinu fengu að keppni lokinni.

Skíðamót Arionbanka verður haldið í Selárdal 28. mars kl. 13.  Gengið verður með frjálsri aðferð.  Keppt verður í eftirfarandi flokkum og vegalengdum:

Karlar 17 ára og eldri 10 km 1998+

Konur 17 ára og eldri 5 km 1998+

15-16 ára 5 km 1999-2000

13-14 ára 3,5 km 2001-2002

11-12 ára 2,5 km 2003-2004

9-10 ára 2 km 2005-2006

8 ára og yngri 1 km 2007-

Skráning fer fram á staðnum og er mótið öllum opið. 

Sparisjóðsmót í skíðagöngu verður haldið í Selárdal 24. mars kl. 11.  Gengið verður með hefðbundinni aðferð.  Keppt verður í eftirfarandi flokkum og vegalengdum:

Karlar 17 ára og eldri 15 km 1998+

Konur 17 ára og eldri 7,5 km 1998+

15-16 ára 7,5 km 1999-2000

13-14 ára 5 km 2001-2002

11-12 ára 3,5 km 2003-2004

9-10 ára 2,5 km 2005-2006

8 ára og yngri 1 km 2007-

Skráning fer fram á staðnum og er mótið öllum opið.  Eftir mót fá allir þátttakendur páskaglaðning frá Sparisjóði Strandamanna.

Ný dagsetning Strandagöngunnar 2016  er laugardagurinn 16. apríl.

Skíðaleikjadagurinn verður við Íþróttamiðstöðina á Hólmavík á morgun 13. mars kl. 10-12 en ekki í Selárdal eins og áður var auglýst.   

Vegna slæmrar veðurspár um helgina hefur verið ákveðið að fresta Strandagöngunni til 10. apríl.

Við minnum á skíðaleikjadag Skíðafélags Strandamanna sem haldinn verður í 4. skipti þann 13. mars í Selárdal kl. 10-12.   Þátttökugjald í leikjadeginum eru 1.000 kr. og skráningar skal senda á netfangið allaoskars@gmail.com  Innifaldið í þátttökugjaldinu eru veitingar sem verða í boði í Skíðaskálanum í Selárdal kl. 12 þann 13. mars.  Þar verður einnig Barnamenningarhátíð Vestfjarða sett með formlegum hætti.  Á skíðaleikjadeginum er öll keppni lögð til hliðar og þátttakendur skemmta sér saman á skíðum í þrautabrautum og skemmtilegustu skíðaleikjunum.  Nánari upplýsingar um Barnamenningarhátíð Vestfjarða eru á slóðinni strandabyggd.is/barnamenningarhatid  

Í dag þriðjudaginn 8. mars verður troðin skíðagöngubraut á Hólmavík tilbúin um kl. 11.  Brautin verður lögð frá Íþróttamiðstöðinni um Flóann og Brandsskjólin.

Skíðafélag Strandamanna heldur tvær skíðagönguæfingar fyrir fullorðna í vikunni.   Æfingarnar eru jafnt fyrir byrjendur sem lengra komna og eru kjörinn vettvangur til undirbúnings fyrir Strandagönguna sem haldin verður 12. mars.  Æfingarnar verða sem hér segir:  Þriðjudagur 8. mars kl. 17-18 við Íþróttamiðstöðina á Hólmavík og miðvikudaginn 9. mars kl. 17 í Selárdal.  Allir velkomnir.

Við minnum á að skráningargjaldið í Strandagönguna hækkar á morgun 5. mars. Skráið ykkur sem fyrst. Strandagangan verður haldin í Selárdal laugardaginn 12. mars, þar er mikill snjór og frábærar aðstæður til skíðagöngu. Fyrstu veðurspár fyrir 12. mars líta vel út, skýjað, hægviðri og 2 gráðu frost.

Skíðafélag Strandamanna heldur skíðagöngunámskeið um næstkomandi helgi á skíðasvæðinu í Selárdal.  Námskeiðið er bæði fyrir byrjendur sem lengra komna, farið verður yfir undirstöðuatriðin í hefðbundinni skíðagöngu og er námskeiðið góður undirbúningur fyrir þá sem ætla sér t.d. að taka þátt í Strandagöngunni 12. mars.  Tímasetningin er eftirfarandi:  Laugardagur kl. 14.30-16 og sunnudagur kl. 14.30-16.  Þátttakendur eru beðnir um að skrá sig hjá Ragnari Bragasyni sími: 8933592 eða hjá Rósmundi Númasyni sími 8921048 eða í gegnum facebook.

Laugardaginn 5. mars verður haldið sprettgöngumót í Selárdal.  Mótið hefst kl. 13 og er gengið með hefðbundinni aðferð.   Gengnar verða þrjár umferðir í stuttri braut, fyrst tímataka, síðan hópstart í flokkum og að lokum uppáhald tímatökufólksins sprettganga með forgjöf.